MAHINGKEP TANDIPAH AWAU TE

Mateus 2:1-12

Oloh pintar bara hila timor mampait sonto barega akan itah. Amun itah mangomang ayat 11 bara Surat Barasih toh, aton ije perkara handalem rimae. Iete katika ewen (oloh pintar bara hila timor) sundau dengan awau te. Inyurat: “Palus ewen tame huma; maka ewen sundau awau te dengan indue Maria, balalu ewen mahingkep…..”

“MAHINGKEP”, en riman auch te? “Mahingkep” bara kata dasar “Hingkep” (tengkurap) “lie flat on stomach, lie with face downward”. Amon inambah dengan awalan “Ma” “MA-HINGKEP”/ “MAMPAHINGKEP” (menengkurapkan diri) “make someone lie on the stomach”.

Boh, kilen je sampai “mahingkep”? Kilen Surat Barasih salenga mangguna kata “mahingkep”, padahal jete rimae “tiarap”? Padahal dia mungkin oloh pintar bara hila timor te “tiarap” manyembah kilau anak awau je sampai mahingkep? Kea alasan budaya oloh Timur Tengah amon mahormat baya dengan “sujud-sembah”, dia sampai “mahingkep” (tiarap)?

Nah, jetoh perlu panjelasan labih handalem. Amun sacara kata- perkata, istilah “mahingkep” te puna sala haliai ingguna. Tapi itah harus kea musti barima, bahwa Surat Barasih mangguna kata “Mahingkep” te kea awi tege pire-pire alasan. Surat Barasih mahapan terjemahan kata “mahingkep” jete mangguna bahasa “hiperbola” (mampatimben, mampadalem) kare riman, kilen angat kanahoang oloh pintar bara hila timor te manyembah awau te (dia musti ewen harus tiarap). Tapi katimben ewen manyembah, labih bara sakadar “sujud-sembah”.

Puna jaton kata “sujud” into bahasa Ngaju. Tikes je tege iete kata “mamparandah arep”, maka ingguna kata “mahingkep”! Istilah “mahingkep” ingguna, mangganti kata “sujud” je jaton melai kotak Ngaju, hapan mampatimben kandalem riman eweh manyembah, labih randah saranda-randah, labih marandah bara sakadar “sujud-sembah”, maka ingguna kata “mahingkep”.

“Mahingkep” hong Surat Barasih, jete akan tampengan (hiperbola). Jadi dia musti baarti ewen palus manduan kilau ampin tantara je “tiarap” atawa kilau anak awau je “mahingkep”. Tapi kandalem auch riman kanahoang atei ewen mamparandah saranda-randah arep ewen tandipah awau te.

Dia lue-luen ampin oloh pintar bara hila timor toh marega, mahormat Hatalla Pangkahai Tuhan. Baya oloh je toto barasih tontang randah atei je olih malalus te, sampai “mahingkep” tandipah awau te. Padahal, huma te baya eka kandang meto papa bewei. Padahal Yusuf/Maria te oloh kurik bewei. Padahal, awau te baya menter hong dulang, imungkus hapan talamping bewei.

Toto haliai, ewen oloh je puna pintar tontang harati. Kapintar oloh tetek, belom hong karasih, katindoh, kamantoh. Kagantong pangkat totang kapintar ewen imrarandah tandipah padadusan kuasan Hatalla. Oloh pintar bara hila timor mampait sonto barega akan itah, katika manempo Hatalla. Jaton eka tampengan je labih handalem, bara ampin ewen mamparandah arep, dengan cara je paling randah dia bara tikas, sampai inampengan hong kotak Ngaju “Mahingkep”! Amen!