IKAU JATON KEJAU BARA KARAJAAN HATALLA

Markus 12:28-34

Puna dia laluen. Gete-getei, paceh samasinde panombah ije biti oloh Tamat Surat jetoh limbah marima tontang maiyuh kare auh ajar Yesus tahiu parentah ije mambatang te. Ie marega toto auh ajar Yesus te, palus ie tombah: “Buah jete Guru; toto auchm, puna tikas Ije, tuntang sala bara ie jaton Tuhan beken. Tinai sinta ie hapan salepah atei, hapan salepah kaharati, hapan salepah hambaruan, hapan salepah kaabas, tuntang sinta oloh kilau arep kabuat, jete toto hai bara kare parentah ije ingehu tuntang bara kare parapah ije inyambalih." (Ay.32-34).

Puna beken bara je beken ampie ije biti oloh Tamat Surat jetoh. Puna aton auch kaharati marima kare ajar ije bahalap tandipah Hatalla. Tagal kapintar kaharatie marima kare auh ajar te, Yesus palus tombah auche: “Ikau jaton kejau bara karajaan Hatalla.” (Ay.34). Kilau hasur tahasak danom katining maselat batu, auch Yesus te puna handalem toto. Taduh, uras suni benyem kare oloh ije atun sakaliling, sampai jaton ije biti je bahanyi misek tinai taloh en-en omba Yesus.

Puna musuk toto angat hambaruan, manggau auch riman panyalah panombah Yesus te. Dia baya akan oloh Tamat Surat jete bewei. Tapi anga-angat kilau pangaranang kalawan sumbu manyingah kakaput kare atei bua itah kea. Atei bua gagenep itah ije taharu manggau auch katoton riman kahandak Hatalla uka belom tinduh, malis barasih haliai. Kilau oloh Tamat Surat toh, tantu itah handiai kea tege mikes kapintar kaharati. Mangatawan kare kahandak Hatalla. Maiyuh kare ajar ije bahalap. Itah kea tantu tukep kea dengan Karajaan Hatalla te.

Akai Indang, akai Apang, kilen auh riman panombah Yesus te “ikau jaton kejau bara karajaan Hatalla”? Narai rimae amon sakadar tukep tapi amun jaton umba suang Karajaan Hatalla te? Ela-ela itah kea baya sakadar tukep dan puna tukep dengan Karajaan Hatalla te kea, tapi jaton omba melai suang Karajaan Hatalla! Amun handalem marima, oloh Tamat Surat jetoh puna jaton eka pampateie. Kapintar kaharatie puna sukup. Ie kea maiyuh kare auh ajar Yesus tahiu parentah je mambatang te. Baya panyalahe, iye baya sabatas pangatawae bewei. Iye baya sakadar maiyuh auh Yesus. Tapi hindai toto-toto narima Yesus manjadi batang kaharape ije eter dehen.

Akai Indang, akai Apang. Amun manyaramin arep tandipah auch Hatalla, labi-labih tagal auch Yesus te “Ikau jaton kejau bara karajaan Hatalla”. Kinampin itah olih sinta Hatalla dengan salepah atei, salepah kaharati, salepah hambaruan, hapan salepah kaabas, amon atei itah leket kalit omba ramon Japang, gadget te kilau “tuhan” hong pambelom itah? Bara misik batiroh sampai lius batiruh atei itah puna are perse omba ramo te? Kilen ampie itah sinta omba oloh kilau arep itah kabuat amun sintan Yesus te jatoh basuang intu atei itah? Kipen isi labih hai kuasae bara kahandak Hatalla marentah hoang atei itah?

Itah puna aton tukep Karajaan Hatalla kilau oloh Tamat Surat te, awi puna aton kapintar marima kare kahandak Hatalla. Tapi jete hindai sukup amon jaton mina kaharati. Palus sampai jete ilalus dengan salepah atei, salepah hambaruan dan kaabas, manempo kare kahandak Hatalla ije tinduh barasih te. Malalus sintan Hatalla ije manjadi isi dahan itah tandipah oloh beken, kilau Kristus kea jari sinta itah? Awi te, narai gunae itah baya “tukep karajaan Hatalla” tapi dia omba suang Karajaan Hatalla”? Amen!